Статии и Совети

КИЛИБАР - злато на северот

Додадена на: 19.12.2012

Килибар, минерал познат под многу имиња како BYRSZTYN BALTYCKI, SUCCINUM, ELEKTRON, AMBER, BERNSTEIN, AMBRA, KERBA, JANTAR, RAV, GINTARAS, GINTARAS KEHRIBAR, БУРШТИН, BOROSTYAN, SUKCENO, MERIPIHKA, CHIHLIMBAR, ĆILIBAR... е фосилизирана смола од иглолисни дрвја Pinus Succinisera која настанала во природни услови пред повеќе од 50 милиони години.

Тоа е капка во времето во која се  врзани  тајните на праисторијата и божествената природа и нивната  супериорна  сила  искажана во неверојатни  бои и нијанси. Почитуван како скапоценост  од дамнешни времиња и денес килибарот е предмет на восхит поради својата убавина, лековитост и дури волшебни особини.

Во терциерниот период на олигоценската епоха (го опфаќа временскиот распон од пред 33.9 до 23 милиони години ), од oгромните четинари  ( Pinus succinifera ) во густите шуми во некои делови на светот, почнала да тече леплива смола  која навлегувала во внатрешните пукнатини на дрвјата собирајќи со себе разни остатоци како лисја, пердуви, инсекти, семиња.

 Како што напредувал  геолошкиот развој  овие дрвја паднале и  биле носени од реките до крајбрежните региони .Тука  дрвјата и нивните смоли  биле покриени со седименти и со текот на милиони години се претвориле во килибар. Килибарот е фосилизирана смола на прастарите дрвја формирана преку  природна  полимеризација на оригиналните органски соединенија. Повеќето од килибарот кој денес постои е стар меѓу 30 и 90 милиони години, додека балтичкиот е стар меѓу 35 и 40 милиони години .

Најновите проучувања на хемискиот состав на килибарната смола  покажале дека балтичкиот килибар настанал со фосилизација на  смола која е многу слична со смолата на денешните џиновски дрвја  од родот  agathis (Dammara australis), кои растат  во Југоисточна Азија  и во Нов Зеланд.Во природна  состојба балтичкиот килибар денес се наоѓа во крајбрежниот појас на Балтичкото Море, особено на неговите југоисточни брегови  долж  т.н. „ килибарен брег“

Xhttp://www.youtube.com/watch?v=ixnW_qWVS54.

Освен на балтичките брегови на Полска и Русија, килибарот може да се најде во Доминиканска Република, Сицилија, Романија, Бурма, Северна Америка и Мексико.